Umukino wo mu itsinda H
Tariki ya 10 Ukwakira 2010
Rwanda Vs Benin (Sitade Amahoro)
Ivory Coast Vs Burundi (Sitade Prince Louis Rwagasore)

KIGALI - Nyuma yo gutsindwa n’ikipe y’igihugu ya Ivory Coast, ibitego 3-0, abasore bagize ikipe y’igihugu Amavubi bagiye guhita basubira mu myitozo yo kwitegura umukino wa kabiri wo mu itsinda H ugomba kubahuza n’ikipe ya Benin, tariki ya 10 Ukwakira 2010 kuri Sitade Amahoro.

Umutoza w’ikipe y’igihugu y’abatarengeje imyaka 17, Richard Tardy yerekeje mu gihugu cy’u Bufaransa kuri uyu wa 6 Nzeli 2010, aho agiye gushakisha imikino ya gicuti ndetse no gutegura uburyo ikipe yakorera imyitozo muri icyo gihugu.

Imikino yo mu Itsinda H
Tariki ya 4 Nzeli 2010
Ivory Coast 3-0 Rwanda
Benin 1-1 Burundi

Ikipe y’igihugu y’u Burundi, Intamba mu rugamba yitwaye neza imbere y’ikipe ya Benin yari imbere y’abafana bayo ibasha kunganya igitego 1-1 mu mukino wo mu itsinda H wo gushaka itike yo gukina imikino ya nyuma y’igikombe cy’Afurika cya 2012.

Umukinnyi wahawe igitambararo cy’ubukapiteni mu ikipe ya Ivory Coast Didier Zokora aratangaza ko nyuma yo kunyagira ikipe y’u Rwanda ibitego 3-0 batazasubira inyuma ahubwo bagiye gukomeza urugendo batangiye.

Abakinnyi babiri bakinira APR FC bakomoka mu gihugu cya Malawi bagiye kugaruka mu Rwanda mu myitozo y’ikipe ya APR FC ibi bikaba bitangazwa n’umunyamabanga w’iyo kipe.

Igihugu cya Senegal giherutse gutangaza ko cyagize ikibazo cy’amikoro make ku buryo kitazitabira amarushanwa ya Basketball yo ku rwego rw’Afurika azahuza amakipe y’abana b’abahungu bari munsi y’imyaka 18 y’amavuko azabera mu Rwanda guhera tariki ya 8 kugeza ku wa 17 Ukwakira 2010 yitiriwe Nyakubahwa Perezida wa Repubulika Paul Kagame yiswe “Afrobasketball Under 18 Kagame Cup”.

Ishuri ryigisha umukino wa Basketball ryatangijwe na Shema Maboko Didier ribarizwa mu Karere ka Nyarugenge rizakira abana bagera kuri 25.